سعودی اتحاد کے خلاف یمنی فوج، عوامی رضا کار فورس کی کارروائی

صنعاء (آج تک) سعودی اتحاد کے خلاف یمنی فوج، عوامی رضا کار فورس کی کارروائی۔

یمن کی فوج اور عوامی رضاکار فورس نے جارح سعودی اتحاد کے جرائم کے جواب میں جنوبی سعودی عرب کے نجران علاقے میں فوجی کارروائی کر کے جارحین کو حیران کر دیا۔

میڈیا رپورٹ کے مطابق یمن کی فوج اور عوامی رضاکار فورس کے جوانوں نے جمعرات کو نجران میں ایک کارروائی میں جارح سعودی اتحاد کی کئی بکتربند گاڑیاں تباہ اور دشمن کے متعدد فوجیوں کو ہلاک کردیا۔

یمن کی فوج اور عوامی رضاکار فورس نے سرحدی علاقے صحرائے بقاع میں جارحین کے فوجی اڈوں کو بھی اپنے حملوں کا نشانہ بنایا ہے جس کے نتیجے میں جارح سعودی اتحاد کے کئی فوجی ہلاک اور زخمی ہوگئے۔

یمنی جوان، نجران سے ملحقہ علاقے الربعہ میں سعودی جارحین کی دراندازی روکنے میں بھی کامیاب رہے۔

دریں اثنا متحدہ عرب امارات کی حمایت یافتہ جنوبی عبوری کونسل کے جنگجوؤں نے جزیرہ سقطری میں مظاہرہ کرنے والوں کی گرفتاری کا سلسلہ شروع کر دیا ہے ۔

نیوز ایجنسی کی رپورٹ کے مطابق سقطری علاقے میں متحدہ عرب امارات کے فوجیوں کی موجودگی کے خلاف ہونے والے مظاہرے کے بعد عبوری کونسل سے وابستہ جنگجوؤں نے مقامی رہنماؤں سمیت مظاہرین کی بڑی تعداد کو گرفتار کر لیا ہے۔

جنوبی یمن میں جھڑپوں کا سلسلہ جاری ہے اور اس دوران متحدہ عرب امارات کی حمایت یافتہ جنوبی عبوری کونسل کے نام سے موسوم گروہ کے جنگجوؤں نے سعودی حمایت یافتہ یمن کی مستعفی منصورہادی حکومت کے جنگجوؤں پر شدید حملے کئے۔

قابل ذکر ہے کہ جنوبی عبوری کونسل نے اپریل کے آخری دنوں میں عدن اور جنوبی یمن کے دیگر صوبوں میں ہنگامی حالت نافذ کرتے ہوئے ان صوبوں کی خود مختاری کا اعلان کردیا ہے۔

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
ہمارے ساتھ رابطہ کریں
Close
Close